Oslepele budu mi jednom te oči kaj tak su mi gledele rade i letat v cvjetju i jesenjih žalost i sneg i protuletji mlade Na zadnju molitvu mi sklopili budu te ruke kaj dragat su štele i zlatni tvoj glas i crlene ciklame i sence i lilije bele Već ne budu usta mi šetati mogla te reči ti slatke, bogate već ne bu mi tuklo nesrečno to srce kaj dom moj je živeo za te Znam skoro me ne bu i ja bum pozabljen i samo popevke te male još dale se budu spominale z vami tak same se zborele dale I štel bi da v sakoj živi moje srce i štel bi da vsaka mi vraća su ljubav se lepo kaj ti si mi dala ti draga ti reč mi domaća