Vu plavem trnaci mi hiža stoji od zelenih veja je videti ni bogica je z dreva, ne vufa se reva pokazat' pred ljudmi, kak' da se boji Vre slaba je, stara, prek' stotinu let od njezine brajde posušil se cvet od blata je zbita i skopom pokrita ne možeš prav' znati je l' hiza, il' klet Nju muški su žuli prinesli na svet za onda dok Zagorec bil je još kmet al' bila je bela i z mirom vesela a danas od tuge se hoće podret' I vnogi se lajtic vu njoj je ispil plebanus, vučitelj tu vincek je pil z gosponom pogaču i orehnjovaču je mužek rad drobil, i srečen bil Pod malim obločekom fantič je stal prelubleno dekle potiho je zval i vnogi je pušlec zamenil za kušlec a morti je fantič v komori spal Vu toj hiži se rodil i mnogi vojak i vsaki je sledni bil pravi junak za tujca vojeval i krv je proleval za falu su rekli mu da je bedak A hižica tiha ščekuje on čas kad jenkrat i Zagorcu došel bu spas na oko je tiha, al' veter zmir njiha vu vejah šumečih starinski v jen glas Em Zagorcu samo je Zagorje raj nigdar ne bu zabil govoriti kaj dok krv je proleval on zmir je popeval još jenkrat bi rad videl zagorski kraj Pretrpel je muke čez jezero let al' zopet bu brajda potirala cvet iz našega gorja vre javla se zorja vesela i srečna bu hiža i klet