Sa vaporon do Rogača ča ga bili galeb prati ka´ sin ti se vraćan, Šolto za mene si ti ka´ mati Pa, uzbrdo do Grohota uskin puten, priko drače ispri´ vrata kuće stare od radosti mater plače Ref. Lipa si, Šolto moj najdraži škoju obeća´ san tilo moru tebi dajen dušu svoju Lipa si, Šolto kapjo maslinovog uja mom životu zadnja luka o´ nevera šta me čuva I opet san, ka´ i dite pa do sridnjeg sela skoči´ da ditinstva prijateje opet vide moje oči I nije nan bilo teško Donje selo, Maslinica bez cipela i bez priše jer smo bili samo dica Ref. Dida mi je priče priča´ spominja´ mi vile morske na tovaru, s njin san isa´ priko Gornjeg do Stomorske Reka´ mi je, dobro pamtin gledaj, sine, tega raja di se loza i maslina s čovikon u jedno spaja Ref.