Ništa nova, ništa nova, posli feste kisne vala u pitaru lipi snova cilo lito tu si stala rastimane sad su ure, zatvorene gnjiju skure sad životu punon zima, okrenuta nan je prova odrišena već je cima, ništa nova, ništa nova Tukla je u more stina i prozebli grdelini uz gradele kraj komina nima ko da te zamini i dok jugo stalno jača, oko kuće reste drača sve se sprema da podivja, a mi kano stara bova plutamo bez pravog cilja - ništa nova, ništa nova Uzalud privrćen foje ča će reć' mi na sva justa svi govore, ma bit' će boje, barbirija već je pusta vaja vrime niz skaline vonj mizerje i morbine i briškulu dikod baci, klapa ča još ni gotova da ostari po bonaci, ništa nova, ništa nova Finili su pusti kanti i promukla već je klapa i po dobru svak' te pamti stareć' s nama sve do šćapa naresle su nove plime, popucale surgadine još se pine dugi vali i po mistu reve tovar jarboli u more pali, ništa nova, ništa nova