Tvoje mudre riči pamtin u ditinstvo kad se vratin o, mama, o, mama ča je cukar, ča je sol ča su gusti, ča je bol o, mama Pravu rič si uvik znala pusta mladost kad je cvala o, mama, o, mama ča je kripost, ča je grij ča su suze, ča je smij o, mama Ref. U vonju lancuna i friškega kruva još ćutin te kraj ognjišta stara u sjeni sudara još slušan te Na gustirni žednoj kad usta su suva još vidin te Iz duše nek' odnese krik o, mama Ti si izvor i ponor, i štit ti si plamen i rana, i lik ti si zemja i jubav, i cvit O, mama Tvoje riči zlata vride kroz nevere dok me slide o, mama, o, mama ča je čovik, ča je zvir ča su zvona, ča je pir o, mama Ref.