Zad moje kuće stara mendula z nekud ju nona donesla i posadila leta broji z cveti kot anđeli za Jurjevo na njoj vogaljica biva Tu smo se i mi kot deca igrali vodali se sritno i z miron smijali tu san se i ja va te zaljubila tu, zdol nje, se s tobun oženila Ref. Leta gredu, vrime biži i teče vlasi nan beli kot cveti mendule kad te pogjedan, srce mi zalupa još vavik smo tu, još vavik skupa Naša se dica sad isto vodaju smiju se kot i mi i sritno igraju kad dojde vrime da pođu va svet čekat će i njih lipi mendulin cvet Zad moje kuće stara mendula kraj nje šterna, ka nas je napajala njih dve lipe, drage starice tende jedna drugu dvi dobre prijateljice Ref. Kad dojde vrime da pođu va svet čekat' će i njih lipi mendulin cvet