Pije se kafe, dimi cigaret takov je v jutro privrat i parapet obed se hladi, mira baš ni ona j´ va brige, mene još ni Ja san pred školun na balu igral na mat´ ne mislin, aš dobro ja znan da zijat će malo, da to ni red a pokle me bušnut i steplit obed Ref. Brige san vavek ja njoj daval i puno se let´ nisan menjal muž i otac san pokle postal i kad bilo je teško, ja vavek san znal Kade me čeka tepli obed kade me čeka beli lancun kade kot dite još vavek spin to znaju samo mama i sin Pasala su leta, bil san mladić na mat´ i oca, lep kako ´tić divojke, pijače, do dugo va noć pa doma pred jutre pomalo doć´ Vraže, kade si - zijala j´ ona da noći ne spi i mira da ni da se ne jav´jan , da čigov san sin a važno j´ bilo, da zdrav san i živ Ref. Privrat, kafe i cigaret kad dojden na vrata, ona će se smet´ jubav tu niki ne more nan ´zet´ mama, o mama, fala za se