Moja draga dobra nona va Sušaku se j˙ rodila o njemu mi j´ povedala se, otkad je mića bila Vavek san je slušat´ znala se, ča mi je govorila o Sušaku, svojen gradu koga j´ va srcu nosila Ref. Pojdi na Trsat čuj s trsatske crekve zvona prošeći se po Krimeji kot i nekad moja nona Obajdi mi si aviri prošeći se na Pećine a va srcu nosi pjesmu Sušaku, ne pozabi me Rečina još vavek teče lipo ju je videt zgora kroz gromače i kroz grote se do Delte, se do mora Sad kad tebe više ni isto ću ti povedat´ o Sušaku našen dragon se ča si ´otela znat´ Ref. Volin naš Sušak i trsatske crkve zvona tebi zvona pozdrav šalju Sušačanko, moja nona