(Recital: Marijan Belčić) Da Božek svet je podelil sakomu nekaj je dobroga dal dragi se Božek jako zmočil pak je rekel: "Malo bi spal" Još Božek je oči ne sklopil ili si prespal bar kratek čas još je praf nit ni zadremal da na jemput začuje glas Bez zamere, Bogek moj dragi znam da si truden i da bi spal kak dete tvoje sam bi te pital a meni Bogek, kaj meni buš dal Ja čovek sam mali, dober i pošten i to kaj mi daš, to si bum zel kakši potok, zemljicu, trsek moj dragi Bogek, to bi ja štel Videl je Božek da čovek je pošten da srebra i zlata si on ne želi neg zemlju i posel on išće pak Božek njemu ovak veli Još jeden imam komad zemlje najlepši na svetu kaj za se sam zbral v srcu ti vidim - čestit si čovek ne bu mi krivo, bum ti ga dal Lefko ga najdeš, kak raj je lepi med Murom i Dravom tam ti leži de čuješ ftičju najlepšu popevku Međimurje to je - tu doma buš ti V srce ti dajem još i ovo bodi sakomu čoveku brat bodi ponos svojega roda Međimurec bodi, bodi Hrvat Razmel je čovek te navuk Božji suzu je spustil jer - vesel je bil još denes tu orje, seja i kopa svoje je lice pred nikim ne skril Međimurci dragi ne hodite preveč v stranjski svet bodite doma, tu tak je lepo živeli Međimurci, jezero let --Šest let mi je minulo-- Šest let dni je minulo nesam bil v Međimurju bil sam v Ruskoj zemljici šest let vek vu žalosti Mrzli vetri, zima je saki ftiček smrzel je ki god vu ju doleti nebre nit popevati V noći mi se sejalo da sam bil v Međimurju v jutro sam se prebudil i zdaj sam v Rusiji bil Ne daj vam Bog probati niti pak doživeti ne daj vam Bog probati to tužnu Sibiriju Božeku se molila moja stora majčica k sebi me dozivala z mojega Međimurja Živ mi dojdi, sinek moj dojdi k svoji dečici kaj se nabum plakala kak za tvega japeka kak za našeg dedeka ki spi v Ruski zemljici