Va rano jutro su me zbudili još ranije su blago nakrmili nono je reka da se storilo vrime Po bijelen putu prah se diže voli su vukli, smo bili sve bliže prvi put su me želi u brajde Voz me tresa i trunija nono nikad laglje ni hodija Ref. Tek sad rivan kapit zač je nono voli popit i ča su njemu bile njegove brajde Svaken trstu je da ime patija s njima kad su ledile zime sve su njemu bile njegove brajde Pole kad san narasa veći više san voli za baloton teći nego ča san voli poć u brajde Vajka su one najvažnije bile toliko dela, sva pot su popile kako da bez njih se ne more Tad još vajka nisan voli popit pa san poče ih pomalo mrzit Ref. Tega su leta svi kuntenti bili sunce je peklo, dažlji zemlju močili prontali su bačve i mastele Jutre se trga, nono je reka cijelo leto on samo to čeka kako nekemu malo za sriću rabi A pred večer je prvi put zagrmilo malo pole se nebo pomutilo Ča Bogu je zgriješi tako da ga globe grad sve potuče, ne pusti ni bobe ča skrivile su njegove brajde Ma raje bi da su golega ga sukli cijelu noć do jutra ga tukli nego ča je stuklo njegove brajde Ref.